Опозициски активисти поставија мртовечки ковчег пред кабинетот на Курти
Припадници на подмладокот на опозициската Алијанса за иднината на Косово (ААК) на доскорешниот премиер Рамуш Харадинај изведоа денеска симболична акција, поставувајќи мртовечки ковчег пред објектот на Владата на Косово, јави дописникот на МИА од Приштина.
Според ААК, денешната акција на нејзиниот подмладок е во знак на протест поради најавите на новиот косовски премиер Албин Курти дека ќе ја укине таксата од 100 отсто што на увозот од Србија и Босна и Херцеговина ја воведе Харадинај во ноември 2018 година. Ковчегот, пак, има симболична порака за „погребување на сите принципи“ кои Курти ги имал до неодамна како опозиционер.
По налог на надлежен обвинител, по извршен увид ковчегот е отстранет, а четворица припадници на Алијансата на младите на ААК се приведени и, откако беа испитани во својство на сведоци, пуштени се на слобода.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација