Отворено првото детско инклузивно игралиште во општина Илинден
Во општина Илинден денеска беше отворено првото детско инклузивно игралиште, со разновидни реквизити кои можат да ги користат сите, вклучително и децата со посебни потреби, а се наоѓа во спортско рекреативниот центар во Марино.
Инклузивното игралиште е направено во соработка со Националниот сојуз на лица со телесен инвалидитет на Македонија – Мобилност – Македонија и општествено одговорни компании од општина Илинден.
На свеченото отворање на игралиштето градоначалникот на општина Илинден, Александар Георгиевски истакна дека ова е првото детско инклузивно игралиште во Општината, но, како што потенцира, не и последно. Додаде дека како локална самоуправа ќе продолжат и во наредниот период да градат детски игралишта од ваков тип, со цел децата да имаат простор каде ќе можат да се рекреираат.
На отворањето, градоначалникот Георгиевски им додели благодарници на општествено одговорните компании кои помогнаа во изградбата на детското инклузивно игралиште и Националниот сојуз Мобилност- Македонија.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп