Пахор и Китаровиќ во посета на Македонија

Претседателите на Република Словенија, Борут Пахор и на Република Хрватска, Колинда Грабар Китаровиќ, денеска и утре ќе престојуваат во посета на Република Македонија на покана на шефот на државата Ѓорге Иванов.

Како што соопштија од Кабинетот на претсдеателот, попладнево во вила „Водно“ ќе се одржи трилатерална средба на Иванов со Пахор и Грабар Китаровиќ.

Според програмата, тројцата претседатели утре ќе го посетат граничниот камен 59 на македонско-грчката граница и привремениот транзитен центар „Винојуг“, каде ќе имаат средба со полицајците од Република Словенија и Република Хрватска кои им помагаат на македонските безбедносни сили.