Пазарниот инспекторат затвори преку 17 објекти кои не ги почитувале мерките за заштита од коронавирусот
Државниот пазарен инспекторат досега затворил преку 17 објекти кои не ги почитувале владините мерки за заштита од коронавирусот.
Како што соопшти директорот на Инспекторатот, Стојко Пауновски, три објекти се затворени на 13 и 14 март, вчера се затворени седум, а денеска, само досега се затворени уште најмалку седум.
– Од денеска веќе постапуваме. Затвораме објекти каде има нарушување и непочитување на владините одлуки. Инспекторите се постојано на терен, и дење и навечер, до 00:00 часот. Но, имаме и дополнителни екипи кои вршат контроли ноќе со оглед на дојавите од граѓани дека некои објекти и тогаш работат, рече Пауновски на прес-конференција во Владата на која присуствуваа директорите на пет инспекторати.
Според Пауновски, секогаш има луѓе кои не го почитуваат пропишаното, па казните за нив ќе бидат согласно одлуката на Владата.
Како што беше речено на прес-конференцијата, Државниот пазарен инспекторат досега исконтролирал 80 маркети и аптеки. Не утврдил покачување на цените. Спровел и 3.000 надзори. Притоа констатирал дека најголем дел од одбјектите ги почитуваат мерките. Ако некој има сознанија за објект кој работи спротивно на владините препораки, може да пријави на телефонскиот број 02/3220547.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок