Педерсен: Војната во Сирија е далеку од завршена
Претставникот на ОН за Сирија, Норвежанецот Геир Педерсен пред Советот за безбедност на ОН изјави дека војната во Сирија и после осум години „е далеку од завршена”.
– Цели делови од територијата сè уште не се под контрола на Владата, а Исламска држава може повторно да се роди од својата пепел, рече Педерсен во својот прв извештај откако ја презеде функцијата во јануари.
Според него, на 11 милиони Сиријци им е неопходна хуманитарна помош.
Педерсен изрази надеж дека „со минимално одложување” ќе се свика Уставна комисија, која сé уште се формира, и оцени дека таа е „можност за започнување политички процес”.
Според планот на ОН, оваа Комисија, која треба да ги спроведе измените на Уставот и изборите во Сирија, ќе има 150 членови. Вкупно 50 од нив ќе ги избере владата во Дамаск, 50 опозицијата, а 50 ќе избере претставникот на ОН со цел да се вклучат експерти и претставници на цивилното општество.
За составот на последната третина од Комисијата се уште нема консензус.
Педерсен е четвртиот посредник на ОН од почетокот на војната во Сирија во 2011 година.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца