Македонија
18. January 2021 - 18:44

Пендаровски и Заев им ја честитаа победата на ракометарите и пласманот во главната фаза

 Претседателот Стево Пендаровски и премиерот Зоран Заев упатија честитки до македонските ракометари кои со победата над Чиле обезбедија пласман во главната фаза на Европското првенство во ракомет што се одржува во Египет.

– Ги бодревме нашите ракометари и на денешниот дуел против Чиле. Одиграа храбро, респектирајќи го противникот. Честитки момци за одличната игра, одиме во втора рунда, навиваме за вас, напиша претседателот Пендаровски на својот фејсбук профил.

И премиерот Заев, честитајќи им ја победата, им посака понатамошни успеси.

– Ова е победа освоена со професионалност и истрајност. Честитки момци, ви посакуваме и понатаму да редите успеси и да нѐ правите уште погорди, напиша Заев на Фејсбук.

Попладнево, машката ракометна репрезентација ја победи репрезентацијата на Чиле со 32:29.