Македонија
29. October 2020 - 14:48

Пендаровски: Нема друга алтернатива освен доследно почитување на заштитните протоколи

Во отуство на вакцина и лек за оваа болест  Ковид – 19 нема друга алтернатива освен доследно почитување на заштитните протоколи, физичка дистанца, носење макси и драстично намален број на дружби и семејни собири. Направете го тоа за себе и за своите најблиски, апелираше до граѓаните претседателот на државата Стево Пендаровски по завршувањето на денешната девета седница на Советот за безбедност.

Актуелната ситуација со Ковид -19 и мерките за сузбивање на  пандемијата била единствената точка по која се дискутирало, а министерот за здравство Венко Филипче, по покана од Пендаровски присуствуваше на седницата и информирал за најновата состојба, за ангажираните човечки капацитети и материјалните ресурси, за работата на Комисијата за заразни болести и за плановите за работа на болниците низ земјата заради прифаќање на напиливот на нови пациенти.

Премиерот Зоран Заев информирал детално за мерките на Владата за поддршка на домашната економија и на  сите категории на граѓани кои се најмногу погодени од пандемијата.

– Бевме информирани и за функционирањето на Централниот кризен штаб, луѓето во кризнот штаб на дневно ниво следат што се случува во регионот, во Европа и се подготвени во најкус можен рок практично да ги примената најдобрите модели и кај нас. Поради есенскиот бран на пандемијата здравствениот систем се реорганизира, се ангажираат дополителни капацитети, се прават максимални напори да се тестираат што е можно повеќе лица и да се згрижат и третираат што е  можно повеќе пациенти, рече Пендаровски.

Сведоци сме дека ситуацијата не се подобрува, нагласи шефот на државта Пендаровски, секојдневно имаме значителен број заболени, а бројот на оние чии што животи згаснаа поради Ковид-19 значително порасна.

– Не сакам да барам оправдување за секој потег на нашите власти кој е преземен во последните осум месеци, меѓутоа во однос на сетот на мерки кои нашите здравствени авторитети ги применуваат јасно е дека не постојат мерки кои се препорачани и од СЗО или се применуваат во некои други држави и даваат позитивни ефекти, а не се  применуваат кај нас, истакна Пендаровски.

Главнината на здравствените мерки е иста,  појасни претседателот Пендаровски, разликата е само во нивото на  нивно почитување од страна на граѓаните и нивото на имплементација  на законите од страна на  државните институции.

– Ниту во владата, ниту во  Министерството, ниту во КЗБ не е собрано искуството во светот,  така што секоја добронамерна и конструктивна критика за подобрување на нашиот национален државен одговор на пандемијата е добродојден. Кај министерството и во Владата во целина постои и мора да постои добра волја и подготвенсот сите корисни идеи и  предлози да бидат прифатени, рече Пендаровски.

Лично не очекува оваа ситуација, како што истакна, да се користи за добивање на политички поени,

На новинарско прашање дали е потребно повторно да се прогласи вонредна состојба, Пендаровски појасни дека сега има функционално собрание кое доколку е тоа потребно да го направи.

– Јас ќе одобрам употреба на толку припадници на армијата за да помогнат и ако системот не може да издржи армијата може да биде логистичка поддршка од страна, рече Пендаровски, посочувајќи неколку примери каде што е ангажирана армијата за помош во справувањето на пандемијата со коронавирусто.