Пет лица приведени откако кај нив е најдена дрога
Тетовската полиција информира дека во три случаи ноќеска од 22 часот до 2 часот се приведени пет лица кај кои е најдена дрога. На улица „Љуботенска“ во Тетово околу 22 часот лишен од слобода е 41-годишник од Тетово затоа што кај него бил пронајден кокаин. Половина час подоцна на улица „29 Ноември“ во Тетово, 26-годишната жена од градот е приведена затоа што и бил пронајден кокаин.
-Ноќеска околу 2 часот и 10 минути, на локален пат во тетовско Теарце, полициски службеници на СВР Тетово ги лишиле од слобода Ј.А.(24) и В.А.(20) од тетовско Пршовце и Д.С.(21) од кумановско Слупчане, кои десетина минути пред тоа на регионалниот пат Џепчиште-Пршовце не застанале со нивното возило „фолксфаген голф“ со тетовски регистарски ознаки, во кое тројцата се превезувале и се обиделе да удрат еден од полициските службеници, информира Марјан Јосифоски, портпарол на СВР Тетово.
Според информацијата на СВР Тетово при преглед на возилото им биле пронајдени хашиш, марихуана и спреј-солзавец. Трите лица се задржани во Полициската станица Тетово за расчистување и документирање на случајот, по што ќе се соочат со соодветни поднесоци.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка