По кратко боледување: Почина познатиот актер и режисер
Актерот, режисер и професор Сефедин Нуредини почина на 64-годишна возраст по кратко и тешко боледување.
Актерот кој зад себе остави над 70 театарски улоги во Албанската драма и на гостувања надвор од матичната сцена, има и забележани филмски улоги во ТВ-серијата „Трст виа Скопје“, „Прашина“, во „Татко“, дебитантскиот филм на неговата ќерка Шкипе Нуредини Дука, а има улога и во косовско-македонскиот филм кој е во постпродукција, "Даден збор".
Нуредини во кариерата беше директор на Албанската драма при Театарот на народностите, а еден период и генерален директор. Во средината на две илјадитите, беше две години директор на „Вардар филм“.
Колегите и семејството вчера во Театарот Комедија, каде што поради реновирање е сместен Албанскиот театар, вчера му оддадоа почит на Сефедин Нуредини.
Актерот Бајруш Мјаку изјави дека неговиот колега беше предводник на седмата уметност, а неговото заминување оставило празнина на сцената и на екраните на се-албанската кинематографија.
Тој беше еден од основачите на Факултетот за драмски уметности на Државниот универзитет во Тетово, но и добитник на бројни награди на голем број фестивали на театарот и филмот.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор