-->
-->
Победа на Рикардо на патеката Сепанг
-->
Диниел Рикардо од Ред Бул победи на денешната трка за Големата награда на Малезија. Тој ја постигна својата четврта победа во кариерата, а прва сезонава. Рикардо беше најбрз на патеката Сепанг, а комплетниот триумф на Ред Бул го надополни Макс Верстапен кој го освои второто место. Лидерот во генералниот пласман Нико Розберг од Мерцедес го комплетираше победничкиот подиум и покрај тоа што имаше казна од 10 секунди.
Светскиот првак Луис Хамилтон, кој ја имаше пол позицијата остана без пласман откако во 41.круг мораше да се откаже по експлозијата на неговиот мотор. Во моментот на откажување водеше во трката и имаше предност од 20 секунди.
Четвртото место го освои Кими Раиконен од Ферари, а Валтери Ботас од Вилијамс беше петти. Серхио Перес од Форс Индија го освои шестото место.
Без пласман покрај Хамилтон останаа уште пет возачи меѓу нив и Себастијан Фетел од Ферари.
Во генералниот пласман Розберг води со 288 поени, а Хамилтон има 265. Денешниот победник Рикардо има 204, а зад него се Раиконен со 160 и Фетел со 153.
Кај конструкторите води Мерцедес со 538 поени, пред Ред Бул со 316 и Ферари 301.
Следната трка се вози наредниот викенд за Големата награда на Јапонија.
-->
-->
-->
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари