Џет-Сет
19. August 2020 - 11:11

Почина глумецот Бен Крос

Британскиот глумец Хари Бернард „Бен“ Крос почина во Виена, Австрија, на 72-годишна возраст, по кусо боледување. Тажната вест ја соопшти неговата ќерка на Фејсбук.

„Ја споделувам оваа вест со скршено срце, дека мојот драг татко почина пред неколку часа. Тој беше болен веќе некое време, но неговото здравје се влоши последниве неколку недели“, напиша таа.

Крос е, можеби, најпознат по улогата на британскиот олимпиец Харолд Ејбрамс во оскаровскиот филм „Огнени кочии“ (Chariots of Fire). Тој е роден во Лондон, Англија, 1947 година. Дипломирал на Кралската академија за драмски уметности во Лондон.