Балкан
16. February 2016 - 20:58

Поднесен предлог аеродромот во Загреб да се именува во Фрањо Туѓман

Хрватското Министерство за морепловство, сообраќај и инфраструктура поднесе предлог за именување на аеродромот во Загреб според првиот хрватски претседател Фрањо Туѓман.

Ресорниот министер Олег Бутковиќ го поднесе предлогот, кој ќе се разгледува на една од следните владини седници и мора да помине комплетна процедура, односно потребно е да се изјаснат сите надлежни координати.

Загрепскиот аеродром е даден под концесија на француската фирма ZAIC, која гради нов терминал, а името, според договорот, го одредува концесионерот.

Косопственици на аеродромот се државата со 55 отсто, Градот загреб со 35 проценти, како и Загрепската жупанија и градот Велика Горица со по пет отсто.