Балкан
18. January 2016 - 13:15

Поради снегот делови во Романија и во Бугарија без електрична енергија

По обилните снежни врнежи стотина градови во Романија и во Бугарија останаа без електрична енергија, а голем број училишта се затворени.

Романските пристаништа на Црно Море, меѓу кои и Констанца денеска се затворени поради силниот ветер и обилните снежни врнежи за време на викендот.

Во Букурешт и уште седум окрузи во југозападниот дел на Романија, затворени се училиштата.

И училиштата во североисточна Бугарија нема да работат во следните два дена.

Нема податоци за евентуални човечки жртви во Романија и во Бугарија.