Ф1
2. January 2019 - 9:37

Поранешниот менаџер на Шумахер: Го советував да не се враќа во 2010-та

Поранешниот менаџер на Михаел Шумахер – Вили Вебер откри дека тој го убедувал легендарниот пилот да не се враќа во Формула 1 во 2010 година.

Седум кратниот светски шампион во Ф1, кој ќе наполни 50 години оваа недела, се повлече првично од спортот во 2006 година, но потоа се врати како натпреварувач на Мерцедес.

– Дали го советував да се врати? Воопшто не. Го повикав и реков: „Те молам, не го прави тоа. Можеж само да изгубиш од тоа! Тој беше 7-кратен шампион и не мораше ништо да докаже. Но, Михаел навистина сакаше да вози. Мислев дека сè ќе биде во ред, повторно нека вози, само без мене. Ние се разделивме како пријатели, а потоа разговаравме стотици пати по телефон, на кафе или вечера, изјави Вебер за „Абендцајтунг“.