Повеќе од еден месец нема огревно дрво во Гевгелија
По истекот на 2018 година гевгеличани многу тешко или речиси никако не можат да купат огревно дрво на стовариштето на Шумското стопанство „Кожуф“ во Гевгелија.
Директорот на гевгелиската подружница Драги Попов, ваквата состојба ја образложува со фактот дека тие работат според план и програма што ја добиваат од дирекцијата на ЈП „Македонски шуми“ од Скопје и оти истата за 2018 година е стопроцентно реализирана.
– Сите склучени договори со синдикатите, пензионерите и физичките лица целосно ги исполнивме до 31 октомври 2018 година. Според нив продадовме над 25 илјади просторни метри огревно дрво од кои преку стовариштата во Гевгелија и Миравци 12.306, преку селска сеча 8.170 и на шумско камионскиот пат се продадени 4.900 просторни метри огревно дрво, рече Попов.
Покрај ова, посочи Попов, временските прилики во јануари беа неповолни за сеча и дотур на огревно дрво што е уште една причина зошто нема огревно дрво на стовариштето во Гевгелија.
Сепак, според шумските работници, моментната состојба во Гевгелија за нив е најдобар показател дека подружницата треба да иницира и побара зголемување на квотата за сечење огревно дрво годинава затоа што се поголем е бројот на граѓани кои користат огревно дрво за затоплување на своите домови.
Ново на Сител
-
79-годишен дедо нападнал полицаец во Куманово
-
Грк починал во битолско казино
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто
-
Излезноста во Струга до 9 часот 2,4 отсто, во Вевчани 5,5 проценти
-
Во Неготино до девет часот гласале 5.83 проценти од гласачите
-
До 9 часот во Дебар еден отсто, во Центар Жупа 1,9 отсто излезеност
-
Во Велес и Велешкo до 9 часот излезеноста е 4,97 проценти