Македонија
8. March 2021 - 13:42

Повредени четири лица при излетување на патничко возило кај селото Зајас

Повредени четири лица, од кои едно потешко, е билансот на сообраќајната незгода што се случила ноќеска нешто пред полноќ во близина на село Зајас, на место викано Теќе, кога патничкото возило со кичевски регистарски ознаки управувано од Б. Ј. од село Зајас, излетало од патот.

-Во сообраќајната незгода што ноќеска се случила кај село Зајас, со тешки телесни повреди се здобила сопатничката А. Ф. (35), додека со повреди се здобиле возачот и две малолетни лица од возилото. Увидна екипа од ОВР Кичево излегла на самото место, а причините за несреќата и материјалната штета допрва ќе се утврдуваат, информира Стефан Димоски од СВР Охрид.