Повторно дојави за бомби во училишта во Белград

Повторно нови дојави за бомби во главниот град на Србија.

Полицијата е на тие локации и е во процес на проверка на тврдењата за поставени бомби.

Децата и вработените се евакуирани од училиштата.

Во изминатите денови зачестија анонимните дојави за бомби во белградските училишта, а МВР на Србија во петокот соопшти дека при детален преглед не била откриена ниту една експлозивна направа.

МВР на Србија и Министерството за образование вчера соопштија дека се подготвува нов безбедносен протокол за училиштата и градинките. Со него се предвидува училиштата и градинките да се проверуваат секоја вечер, а потоа да се заклучуваат. Според тој протокол, родителите чии деца одат во градинка би ги носеле децата само на влезната врата.