Познати дел од мерките на пензиската реформа во Франција
Францускиот премиер Едуар Филип денеска треба да ги открие деталите за пензиската реформа пред Економскиот, социјалниот и еколошкиот совет, по 18-те месеци консултации, додека Франција и особено Париз и парискиот регион се уште се блокирани од националниот штрајк, почнат пред седум дена. Првите детали за мерките од реформата веќе протекоа во медиумите, јавува дописникот на МИА.
Едуар Филип предупреди дека денеска нема да има „никакви волшебни најави“, но како што објави националното радио Франс Интер за последните мерки се одлучувало до доцна ноќеска во Елисејската палата.
Главната вест е дека оваа пензиска реформа нема да се направи за генерацијата 1963 година, како што претходно беше предвидено, туку за генерацијата 1975 година, почнувајќи од 2025 година. Таа, у-имено, ќе важи за оние кои ќе имаат 50 години на 1 јануари 2025 година. Датумот бил одобрен синоќа од страна на Емануел Макрон, кој до доцна ноќеска имаше состанок со министрите вклучени во реформата и кадрите на парламентарното мнозинството.
Осумнаесетгодишниците ќе влезат во новиот систем од 1 јануари 2022 година, датум кога ќе почне да важи целосната минимална пензија во висина од 1.000 евра.
На одредени категории на пензинери ќе им требаат неколку години за да ги обноват своите кариери, со помош на предложените бонуси, за да не бидат губитници, наведува еден од учесниците на состанокот. Тоа се однесува на наставниците, болничкиот персонал и полицајците.
Во пензија ќе се заминува на 64 години до 2027 година, со пораст на возраста од 2022 година. Макрон пред неговите министри го сумираше длабокото значење на реформата за која смета дека е „фер и историска“. Претседателот им објасни дека сака да ја „врати вистинска солидарност, откако во меѓувреме преовлада корпоратизмот“.
Одговорот на синдикатите ќе биде познат по објавувањето на реформата од страна на премиерот Едуар Филип.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово