Пребројување на пеликаните од Преспанско Езеро по повод Меѓународниот ден на биолошката разновидност
Со пребројување на пеликаните од Преспанското Езеро, Македонското еколошко друштво во соработка со Општина Ресен и Националниот парк „Галичица“ денеска ќе го одбележи Меѓународниот ден на биолошката разновидност – 22 мај.
Од МЕД информираат дека целта на одбележувањето е доближување на природните убавини на земјата. Посочуваат дека во текот на денот на социјалните мрежи ќе споделуваат слики и видеа од теренската активност за пребројување на пеликаните во Преспа.
-Пребројувањето на пеликаните е прекугранична активност што ги вклучува и нашите партнерски организации од Грција и Албанија – Друштвото за заштита на Преспа и Друштвото за заштита на животната средина во Албанија. Затоа следете не на фејсбук и инстаграм и уживајте во глетките од Преспанското Езеро, соопшти Македонското еколошко друштво
Броењето на пеликаните МЕД го спроведува од 2013 година. Пеликаните кои секојдневно доаѓаат да се хранат во македонскиот и албанскиот дел од Големото Преспанско Езеро, како што наведува друштвото, припаѓаат на најголемата гнездечка популација на овој вид во светот, која се наоѓа на Малото Преспанско Езеро, и ја нагласува неопходноста од заедничка соработка во напорите за зачувување на биолошката разновидност.
Темата на годинашното прославување на Меѓународниот ден на биолошка разновидност е „Природата нуди решенија“.
Ново на Сител
-
Словенија поддржува „ковид пасоши“
-
Сообраќајот на патот Крива Паланка - Деве Баир во прекин поради сообраќајка
-
Руски специјалист за коронавирусот: На пролет нема да има друг бран, ќе се формира доволно ниво на имунитет
-
Шахпаска: Се работи на законското решение, недела да биде неработен ден
-
Инспектори од ДСЗИ во придружба на полицијата влегоа во контрола кај гинекологот од Струга
-
Пендаровски и Заев им ја честитаа победата на ракометарите и пласманот во главната фаза
-
На градските гробишта во Велес погребана Љупка Мијакова Буба, доајенот на велешкото радио спикерство
-
Македонија оди во наредната фаза на СП во ракомет