Претседателот Иванов нема да се сретне со еврокомесарот Хан?
Претседателот Ѓорѓе Иванов денеска можеби и нема да се сретне со еврокомесарот Хан. За информацијата утрово не може да се обезбеди ниту потврда ниту демант од кабинетот на Претседателот.
Извори од Мисијата на ЕУ во Скопје кои не се овластени да даваат изјави потврдуваат дека засега претседателот Иванов не е во распоредот на серијата средби што комесарот Хан заедно со Хан и тројцата европратеници Едвард Кукан, Иво Вајгл и Кнут Флекенштајн ќе ги има попладнево во Скопје. Сепак, оставаат резерва дека можеби во вечерните часови ќе се создадат услови за средба со Иванов.
Претседателот според најавите денеска требаше да ја заврши официјалната посета на Унгарија. Дали тоа ќе се случи, никој е може да потврди.
Хан ќе ги почне средбите со политичките лидери околу 14 часот, а агендата му завршува вечерва со лидерот на ВМРО-ДПМНЕ Никола Груевски, со кого ќе се сретне откако пред тоа ќе ги ислуша другите лидери на политичките партии што освоија места во новиот состав на Собранието.
Како што најави портпаролката на Европската комисија Маја Коцијанчич во петокот, Хан доаѓа во Скопје да ја повтори цврстата порака на ЕУ да се почитуваат изборните резултати и да се овозможи демократските процеси да продолжат и брзо да се формира влада што ќе продолжи да го имплементира Договорот од Пржино.
За денеска во 12 часот, претседавачот на конститутивната седница Трајко Вељаноски закажа кординација со претставниците на парламентарните партии за утврдување на составот на Собраниската комисија за избори и именувања, откако прaтеникот на СДСМ Оливер Спасовски му ги достави потписите на 67 пратеници за закажување на продолжение на конститутивната седница започната и прекината на 30 декември 2016 година.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто