Македонија
22. September 2016 - 14:47

Превентивна дезинсекција за уништување на комарци во Битола

ЈЗУ Центар за јавно здравје-Битола ја почна третата фаза од превентивната систематска дезинсекција за уништување на комарци на подрачјето на општина Битола.

Од битолскиот Центар за јавно здравје информираат дека акцијата се врши со цел заштита на населението од заразни болести и оваа општа против епидеимска мерка ќе се врши до крајот на месецот.

- Подобрувањето на временските услови овозможува да се врши теристичка дезинсекција и истата ќе се реализира во терминот од 19 часот до 6 часот наутро. Според програмата, со акцијата опфатени се зелените површини од целото градско подрачје и периферијата на градот, соопштуваат од ЈЗУ Центар за јавно здравје-Битола.

Реализацијата на програмата се остварува со финансиска поддршка на Совет на општина Битола.