Фудбал
19. August 2020 - 10:32

Приштина не го одигра мечот на Гибралтар поради заразени 8 играчи

Мечот од квалификациите за Лига Европа помеѓу клубот Линколн од Гибралтар и косовска Приштина не се одигра бидејќи дури осум фудбалери на косовскиот клуб биле позитивни на Ковид-19.

И покрај инсистирањето на управата на Приштина дека имаат доволно фудбалери да го одиграат мечот, властите во Гибралтар не дозволиле одигрување на мечот.

„Властите не дозволуваат да се одигра мечот, а тимот мора да се врати веднаш во Косово. Според нив, УЕФА може да го премести мечот во некоја од четирите неутрални земји: Унгарија, Полска, Грција или Кипар“, вели претседателот на Приштина, Авни Дурмиши, на официјалниот фејсбук-профил на клубот.

Ова е вторпат косовски клуб да биде спречен да игра во европските купови откако УЕФА не дозволи да се одигра квалификацискиот меч од Лигата на шампионите помеѓу Линфилд и Дрита бидејќи двајца фудбалери на косовскиот клуб беа позитивни на Ковид-19.