Пристигна Oppo A7: Eвтин смартфон наменет за гејминг
Кинеската компанија Oppo го претстави новиот модел A7 – смартфон со голем капацитет на батерија и спецификации кои се идеални за љубителите на мобилен гејминг.
Oppo A7 има дисплеј од 6,2 инчи кој има резолуција од 720p, на кој сигурно ќе му се израдуваат оние кои сакаат мобилен гејминг.
Телефонот поседува процесор Qualcomm Snapdragon 450, кој овозможува богати детали при емитувањето на слики. Во зависност од пазарот, овој телефон ќе се продава во конфигурации од 4GB RAM и 32GB внатрешна меморија или 4GB RAM и 64GB внатрешна меморија. Иако просторот изгледа премногу мал за еден современ телефон, меморијата може да се прошири со помош на microSD картичка.
Oppo A7 е опремен со две позадински камери во комбинација 13MP + 2MP, како и една селфи камера од 16MP. Предната камера ја има и AI функцијата и има посебен Beauty Shot во резолуција од 8MP, која ќе го унапреди снимањето на селфи фотографии.
Она што го прави овој телефон гејмерски е поддршката за HyperBoost, кој претставува одговор на GPU Turbo технологијата која ја користат телефоните на Huawei. Како што велат од Oppo, играчите ќе добијат 31% подобро искуство благодарение на HyperBoost технологијата, а долготрајноста на играњето е обезбедена со батеријата од 4.320 mAh.
A7 користи оперативен систем наречен ColorOS 5.2, кој го користи Android како основа. Уредот ќе биде достапен во четири бои а ќе чини од 200 до 270 евра, во зависност од пазарот.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка