Приведени активисти на протестот за почист воздух, тврдат дека биле вознемирувани и заплашувани
Попладнево пред министерството за животна средина биле приведени дел од активистите кои учествувале во герила акција на протестот за почист возух кој движењето Fridays For Future Skopje ги организира секој петок.
На видеото кое го регистрирала екипа на радио МОФ е снимено и приведувањето на активистите.
На својот ФБ профил од организацијата пред малку објавија дека нивните членови биле вознемирувани и заплашувани.
- Нашата акција имаше цел да ја крене свеста за загадувањето и климатските промени не само кај јавноста туку и внатре во институцијата за животна средина. Наместо тоа се соочивме со нечовечки пристап кој само ја потврдува вистинитоста на пораката што сакавме да ја пренесеме. Поради една безопасна герила акција која укажуваше на индолентноста на властите околу проблемот со животната средина, нашите активисти беа предмет на вознемирување, заплашување и испрашување како да извршиле терористички, а не симболичен акт во интерес на општото добро, велат од движењето.
На барање на активистите биле повикани претставници на Хелсиншкиот комитет кои им понудиле помош во оставурање на правата.
- Еколошкото движење во Македонија со години наназад протестира, а последнава година протестите се најмасовни до сега. Сепак, власта нема слух за нас, чијашто мисија е еколошка правда во Македонија. Затоа и се одлучивме на ваков чекор кој безбедносните структури непотребно го ескалираа, велат од Fridays For Future Skopje.
Иако побаравме од МВР засега нема информации за случајот.
Ова движење кое оддржува протести секој петок е дел од масовната акција на која се приклучија милиони млади ширум светот, а го започна светски познатата активистка Грета Тунберг.
Иван Кузмановски
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање