Приведени тројца битолчани осомничени за тешка кражба
Припадници на скопската полиција, по претходно добиени сознанија, на 22 октомври, во населбата Козле, извршиле преглед на автомобил марка „мерцедес 190“, со прилепски регистарски ознаки, при што пронашле 11 телефони, четири фотоапарати и два ранци.
Конкретно, пронајдени биле мобилен телефон марка „хуваеј П30”, четири мобилни телефони „самсунг A20“, три мобилни телефони марка „самсунг A10“, два мобилни телефонa марка „самсунг A50“ и еден мобилен телефон марка „самсунг A30“.
Покрај ова во возилото имало и четити фото апарати односно еден марка „никон Д5600-18-55 ВР”, два фотоапаратa марка „никон Д-3500-18-55 ВР” и еден „никон Д 750“, како и два ранцa.
Во автомобилот затекнати биле тројца битолчани, двајца на возраст од 23-години и еден 25-годишник. Кај еден од нив пронајдени и одземени биле и околу 14.000 денари.
По извршените проверки утврдено било дека предметите потекнуваат од тешка кражба, извршена на 14. октомври во продажен објект во Битола, од каде биле одземени мобилни телефони, фотоапарати и промет, со што сторителите се стекнале со имотна корист од околу 900.000 денари.
Битолчаните се преземени од страна на Одделението за крим полиција при СВР Битола и по целосно документирање на случајот, против нив ќе бидат поднесени соодветни поднесоци.
Ново на Сител
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи
-
Американскиот Сенат одобри 95 милијарди долари помош за Украина, Израел и Тајван
-
Лични документи можат да се подигнат и денеска
-
Променливо облачно со сончеви периоди, на крајот на денот дожд
-
Пожар зафати куќа во неготинско Долни Дисан