Продолжуваат преговорите за нова влада во Бугарија

Бугарските политички лидери влегуваат во нов обид да се договорат за соствот на идната владејачка коалиција и да го формираат новото мнозинство во бугарското собрание. Локалните медиуми објавуваат неофицијални инфорамции дека партијата на Борисов ги обновува преговорите се БСП и Има Таков народ. Според објавените информации, партиите си поставиле рок до петок до кога планираат интензивно да преговараат. 

Информацијата дојде откако во неделата беше објавено дека ГЕРБ не успеа да постигне договор со Демократска Бугарија за кадровскиот состав на владата и премиерската позиција.

Во понеделникот претседателот на државата, Румен Радев рече дека ќе им даде уште малку време на преговарачките страни да се разберат пред да врачи мандат за состав на нова влада.