Путин: Русија ја регистрираше втората вакцина против коронавирус
Владимир Путин рече дека Русија ја регистрирала втората вакцина против Ковид-19.
Вакцината е развиена од Центарот за вирусологија и микробиологија „Вектор“, пренесуваат руските медиуми, а е регистрирана денес.
Претходно, министерот за здравство на Русија, Михаил Мурашко, објави регистрација на нова руска вакцина против коронавирус.
Тој рече дека две руски вакцини се во фаза на клиничко тестирање, истакнувајќи дека вакцината „Спутник V“ е веќе регистрирана.
„Планираме да регистрираме една од вакцините на клиничко испитување и оваа недела да ја започнеме фазата на производство“, посочи Мурашко.
Ана Попова, директорка на Федералната служба за надзор на правата на потрошувачите и благосостојба на човекот, претходно изјави дека втората фаза на тестирање на вакцината на „Вектор“ е успешна, дека волонтерите развиле антитела и дека никој од нив не покажал никакви клинички симптоми по примањето на вакцината.
Оваа вакцина, како и „Спутник V“, не ја ни започнаа клучната трета фаза од испитувањето, пред да бидат регистрирани.
Научниците сè уште чекаат да ги добијат сите податоци за вакцината „Спутник V“, за која Москва тврди дека е безбедна.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово