Македонија
18. February 2018 - 10:00

Радев: Македонија е прекрасна земја, носиме исти имиња, славиме исти празници, нема потреба од преведување на јазикот

Пилот по вокација, нуркач и рокер по определба. Војник од кариера кој пред да се пензионира како генерал мајор беше командант на бугарските Воено-воздухопловни сили – ова е дел од биографијата на претседателот на Република Бугарија, Румен Радев, кој изминатите два дена беше во првата официјална посета на Република Македонија.
 
Запрашан дали е ова негова прва посета на Македонија и колку знае за Македонија, за храната, за мелосот, тој вели:
 
– За Македонија знам многу, сум учел многу, сум слушал многу, но за жал првпат сум тука. Тоа е многу пропуштено време и треба да го надоместам. Македонија е една прекрасна земја, со неверојатни луѓе. Имав можност шетајќи тука да сретнам луѓе со кои имав исклучително пријатни средби. Ние носиме исти имиња, славиме исти празници, нема потреба од преведување на јазикот, прекрасно се разбираме. Се надевам дека ќе можам почесто да доаѓам тука и веќе му ветив на претседателот Ѓорге Иванов ова лето да се видиме на Охридското езеро кое за мене една голема мечта.