„Рајанер“ ќе отпушти 84 вработени во Белгија
Нискобуџетната авиокомпанија „Рајанер“ ќе отпушти 44 пилоти и 40 членови на екипажот во Белгија поради финансиските тешкотии со кои се соочува откако започна кризата со новиот коронавирус.
Авиокомпанијата веќе подолго време се заканува со отпуштања во Белгија доколку вработените не ги прифатат новите услови за работа и исплата. По неколку недели обид за преговори, синдикатите соопштија дека одлуката е донесена „Рајанер“ да се ослободи од 84 лица.
Во текот на мај, нискобуџетната компанија најави дека планира да го намали својот персонал за три илјади единки, платите на пилотите за 20 отсто и платите на останатите членови од екипажот за десет проценти.
Во Белгија постои посебен закон во случај на колективни отпуштања, што ги обврзува работодавците да преговараат со синдикатите, закон кој „Рајанер“, според синдикалните претставници, се обидува да го заобиколи и да преговара директно со здруженијата на пилоти. Синдикатите најавија дека нема да попуштат и дека „Рајанер“ ќе мора да ги почитува белгиските закони, како и сите предвидени услови што им следуваат на отпуштените и покрај тоа што компанијата има седиште во Ирска.
Ново на Сител
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел
-
Куќен притвор од 48 часа за две лица поради убиството на лекарот во Железара