Рама апелира на зајакнување на принципите на Завршниот акт од Хелсинки
Натамошно зајакнување на ОБСЕ и нејзиниот сеопфатен пристап кон безбедноста се неразделно поврзани со целосно почитување и спроведување на основните принципи и обврски содржани во Завршниот акт од Хелсинки, изјави албанскиот премиер Еди Рама денеска на одбележувањето на 45-годишнината од документ.
Рама, чија земја годинава е претседавач на Организацијата за безбедност и соработка во Европа, додаде дека Завршниот акт од Хелсинки е клучен за подобрување на безбедноста (на државите и на граѓаните) во текот на повеќе од четири децении во во 47 земји-членки на ОБСЕ и 11 партнери.
– Процесот на Хелсинки даде клучен придонес за намалување на тензиите и создавање услови што доведоа до крајот на Студената војна, потсети Рама.
Овој процес, кој започна во 1975 година, овозможи премин од конфронтација во соработка и го отвори патот за создавање, во 1995 година, на Организацијата за безбедност и соработка во Европа.
Рама истакна дека вистинскиот начин да се истакне важноста на Хелсиншкиот завршен акт е итно да се направи обид да се реализира визијата на тој документ за почитување на меѓудржавните односи и придржување кон обврските.
– Бидејќи Европа носи лузни од конфликтите, работата на нашата организација, како и добрата волја на сите земји учеснички, се уште се понеопходни. За да бидат значајни и релевантни, мирот и демократијата не смеат да бидат само зборови и перспективи, туку наша заедничка цел. Хелсиншкиот документ со десетте принципи, вклучително и почитувањето на основните човекови слободи и права, денес се подеднакво релевантни, како што беа пред 45 години, посочи Рама.
Тој потсети дека овој историски договор го постигнала разновидна група на земји кои не делеле заеднички пристап за сите прашања.
– Убеден сум дека сеопфатната платформа на ОБСЕ за дијалог и заедничко делување е клучен и траен форум, заклучи Рама, чија земјана почетокот на јануари го презеде претседавањето со ОБСЕ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка