Регионален форум на Источна Европа и Централна Азија за финансиска вклученост
Првиот регионален форум на Источна Европа и Централна Азија (ЕЦА) за финансиска вклученост од денеска до 28-ми овој месец ќе се одржува во Скопје.
Организатори се Народната банка на Република Македонија заедно со Алијансата за финансиска вклученост (АФИ) и со поддршка на Федералното министерство за економска соработка и развој на Германија (БМЗ) и Секретаријатот за економски прашања на Швајцарија (СЕКО).
Програмата, како што информира НБРМ, е замислена како тридневен настан фокусиран на темата финансиска вклученост. На настанот ќе присуствуваат високи претставници од централните банки од регионот на ЕЦА со цел постигнување договор за исполнување на целите на регионалната платформа и создавање оперативна рамка која ќе ја зацврсти идната соработка на овие држави на полето на финансиската вклученост.
Форумот ќе се фокусира на унапредување на политиките за заштита на потрошувачите на финансиски услуги, како и за финансирање на малите и средните претпријатија. Ќе се одржат и сесии за прашања од областа на дигиталните финансиски услуги и создавање бази на податоци и показатели за мерење на нивото на финансиска вклученост.
На форумот предвидено е да се обрати гувернерот на НБРМ, Димитар Богов.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање