Рекорден број починати од Ковид-19 во Русија
Во Русија е потврден рекорден број на смртни случаи од коронавирус на дневно ниво, откако во изминатите 24 часа се регистрирани 320 починати, соопшти Центарот за борба против Ковид-19.
Досега во земјата од коронавирусот вкупно починале 26.589 луѓе.
Во изминатото деноноќие се регистрирани нови 16.550 заразени случаи, со што вкупниот број на инфицирани од почетокот на пандемијата достигна 1.547.774.
Во Русија од утре ќе биде обврзно носење на заштитни маски на места за масовно собирање, во јавниот превоз, такси возилата, лифтовите и на паркинзите, истакна директорката на надзорното тело за право на потрошувачите и благосостојба на луѓето, Ана Попова.
Владата прецизира дека местата за масовни собирања вклучуваат јавни простори во населбите и градските области, кадешто можат да се соберат повеќе од 50 луѓе.
Во некои руски градови, меѓу кои и Москва, носењето маски е веќе задолжително во јавниот превоз.
Ново на Сител
-
Убедливо водство на Силјановска
-
Тема на денот со Љупчо Петковски, политиколог
-
Светските медиуми известуваа за изборите во Македонија
-
Бизнисот очекува политичка промена и исполнување на ветеното
-
ГРОМ призна пораз, ЗНАМ сметаат дека се родила третата опција, Левица очекува повеќе гласови на 8ми мај
-
Преглед на вестите од светот
-
Убедливо водство на Силјановска
-
ОБСЕ/ОДИХР ги објави првичните резултати за првиот круг претседателски избори