РИК на Србија привремено го стопираше изборниот процес
Републичката изборна комисија (РИК) на Србија донесе одлука да ги прекине сите изборни активности за спроведување на парламентарните избори во земјата, јави дописникот на МИА од Белград.
РИК во согласност со Уредбата за мерките за време на вонредната состојба, донесе Одлука за стопирање на сите изборни активности при спроведување на изборите за народни пратеници во Народното собрание, кои се распишани за 26 април, соопштија од РИК.
-Со оваа одлука привремено се прекинува изборниот процес додека трае вонредната состојба предизвикана од ширењето на коронавирусот и тој ќе продолжи откако ќе се донесе решение за прекинување на вонредната состојба, изјави претседателот на Републичката изборна комисија Владимир Димитријевиќ.
Српскиот претседател Александар Вучиќ на 4 март ги распиша парламентарните избори за 26 април, кога треба да се одржат и покраинските и локални избори.
Вонредната состојба поради ширење на коронавирусот во Србија беше воведена во неделата вечерта, на 15 март.
Повеќе политички субјекти, вклучително и оние кои го најавија бојкотот на изборите, претходно ги прекинаа активностите и побараа одложување на изборите.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри