Родители излегуваат на протести - бараат настава во училница и книги за секое дете

Родителите на протести против најавените реформи во образованието. Иницијативата „Учебници и настава мора да има“ за в сабота закажа протестен марш во Скопје и мирни протести во другите градови. Ќе поднесат и иницијатива за задолжителен референдум за реформите во образованието. Бојкотот е ставен во мирување за знаењето на децата да не трпи.

Народниот праводбранител се сретна и со Иницијативата и со Коалицијата „Менуваме“. Коалицијата нема да ги поддржи протесите на родителите. Оттаму велат дека неопходно е да се обезбедат основни услови за настава, а потоа да се размислува дигитализација. Негодувања има и околу најавата за аудио материјали за децата со оштетен вид.

Народниот правобранител смета дека сите страни треба да бидат консултирани при носење на вакви крупни промени. Потребно е сеопфатна анализа околу подготвеноста на државата за спроведување на дигитализацијата. Правобранителот вели, дигитализацијата е напредок во образованието и треба да се поддржи, но без соодветни предуслов реформата нема да ги даде очекуваните резултати.