Свет
27. September 2017 - 18:09

Русија се заканува со контрамерки за Договорот за отворено небо

Русија се закани со контрамерки против САД во спорот околу Договорот за отворено небо, кој на овие земји им овозможува да извршуваат воени летови преку нивните територии.

САД претходно ја обвинија Русија дека не го почитува договорот и се заканија дека ќе преземат одредени мерки против Москва, што би значело забрана за руски воени летови преку американската територија.

Заменикот-министер за надворешни работи Сергеј Рјабков изрази незадоволството на Москва поради однесувањето на Вашингтон кон тој договор.

Тој најави дека Москва ќе преземе мерки против САД како одговор на американските санкции.