Русија тврди дека делегации на Слободната сириска армија ја посетувале Москва, ССА демантира
Делегации на Слободната сириска армија (ССА), која е поддржана од Западот неколку пати ја посетувале Москва, јави БТА.
Рускиот заменик-министер за надворешни работи Михаил Богданов минатата недела на прашањето дали претставници на САА ја посетувале Москва одговори: „Да тие беа тука, вклучувајќи ја и оваа недела. Тие се тука постојано, станува збор за различни луѓе, некои заминуваат, некои пристигнуваат, но сите тие велат дека се претставници на Слободната сириска армија“.
Кремљ исто така соопшти дека рускиот претседател Владимир Путин телефонски разговарал втор пат во рок од пет дена со саудискиот крал Салман. Русија е главен сојузник на сирискиот претседател Башар ал Асад, додека Саудиска Арабија ги поддржува противниците на режимот на Дамаск.
Москва ја промени позицијата кон бунтовниците од ССА, откако во саботата соопшти дека руските воено-воздухопловни сили, кои вршат напади во Сирија од 30 септември, можат да бидат подготвени да им помогнат на опозициските борци, доколку знаат каде тие се наоѓаат.
Во меѓувреме претставници на четири фракции на ССА ги демантираа информациите дека нивни членови ја посетувале Москва.
- Тие приказни не се точни, изјави Ахмед ал Сеуд, кој раководи со групата „13-та дивизија“, која дејствува во регионот на западна Сирија, каде руските воени авиони извршуваат напади.
Абу Гиас ал Шами, портпарол на групата „Алвијат сеиф ал Шам“, која дејствува во јужна Сирија изјави: „Такво нешто не се случувало од наша страна во ССА. За нас е невозможно да прифатиме да заминеме за Москва и да водиме дијалог со неа. Не ја сакаме нејзината помош“.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца