Фудбал
1. December 2017 - 0:36

Руската полиција ќе ги „најдгледува„ англиските навивачи

 
 
 
 
Припадници на руската полиција ќе бидат присутни на стадионите „Олд Трафорд“ и „Енфилд“, со цел да соберат повеќе информации за однесувањето на англиските навивачи на стадионите, а пред Мундијалот во Русија. 
 
Руските полицајци ќе присуствуваат на натпреварите од Лигата на шампионите меѓу Манчестер Јунајтед и ЦСКА Москва, односно Ливерпул и московски Спартак, потврдија од британската амбасада во Москва. 
 
На првите две средби меѓу овие екипи кои се играа во Москва немаше инциденти, но затоа на последното Европско првенство во Франција, блиските средби меѓу англиските и руските навивачи редовно завршуваа со масовни тепачи и повредени. 
 
Според најавите, предвидени се и конкретни разговори и средби на англиската и руската делегација, со организаторите на Мундијалот.
 
Британските власти се надеваат дека нивните навивачи ќе бидат „топло“ пречекани во Русија за време на Светското првенство што ќе се одржува од 14 јуни до 15 јули следната година.