САД ќе почнат да доставуваат лекови со дронови
Градот Бентонвил ќе започне пилот проект за снабдување со лекови и медински помагала со користење беспилотни летала. Станува збор за заеднички проект на компаниите „Волмарт“ и „Зиплајн“, објави веб-страницата „The Verge“.
Претходно оваа година „Зиплајн“ соопшти дека соработува со болница во Северна Каролина за бесконтактно снабдување со медицински материјали и опрема за лична заштита. Првиот национален систем за испорака со беспилотни летала на „Зиплајн“ започна во 2016 година, кога требаше да биде доставена крвна плазма на пациентите во оддалечените области на Руанда.
Специјалните беспилотни летала можат да доставуваат лекови за помалку од еден час по нарачката, а системот ќе работи во радиус од 80 километри од продавницата.
Според компанијата „Зиплајн“, овој проект ќе биде важен чекор кон употребата на беспилотни летала за трговците во САД. Партнерството со „Волмарт“, со седиште во Бентонвил, е првиот чекор кон потенцијалните операции на национално ниво во САД. Пробниот период на овој систем ќе започне на почетокот на следната година.
Ново на Сител
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав
-
Путин: Во Европа го плашат народот дека ќе ги нападнеме, сакаат да им ги земат парите
-
Четворица убиени, петмина избодени во напад во Илиноис
-
Руските сили гранатираа 17 населени места во областа Херсон, две лица загинаа
-
Состојба на патиштата