САД се подготвуваат за очекуваните силни бури
Американската национална метеоролошка служба издаде предупредување за зголемена опасност од бури во регионот на Среден Атлантик, пренесоа американските медиуми.
Во регионот на планините Блу Риџ е издадено предупредување за силни бури, со опасност од грмотевици. Метеоролошката служба на Твитер соопшти дека има податоци за паднати дрвја и прекинати кабели на далноводи во регионот на Мериленд.
Метеорологот Крис Стронг од Вирџинија изјави дека главната опасност за градовите Балтимор и Вашингтон доаѓа од силните удари на ветрот. Тие, меѓутоа, се изложени на помала опасност од торнада.
Опасност од поплави има во градот Делавер. Според метеорологот Ланс Франк, од Њу Џерси, силните ветрови и поројните дождови може да доведат до поплави во градските реони и зони, каде водата не може да се повлече.
За голем дел од западното крајбрежје на Флорида е издадено предупредување за опасност од тропска бура. Се очекува тропската депресија, што доаѓа од Мексиканскиот Залив, со себе да донесе силни ветрови и поројни дождови, кои може да предизвикаат поплави и да го отежнат движењето по патиштата.
Националниот центар за урагани во Мајами предупредува дека се очекува тропската депресија во Заливот до вечер да се претвори во тропска бура, која ќе го добие името Колин. Депресијата се движи на североисток со бризина од околу 13 километри на час и се очекува нејзиното движење да се забрза.
Ново на Сител
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно
-
Тошковски: Сериозно сум загрижен за изборниот процес
-
Се заокружуваат предизборните коалиции
-
Азески: Економијата да биде приоритет, а политичарите да ги исполнат ветувањата
-
Приватните специјализанти на протест – нема корекција на плати пред избори, им вратија надлежните