САД веќе не ги чуваат вакцините за втората доза, одат на помасовно вакцинирање
Американското Министерството за здравство соопшти дека одеднаш е одлучено да се распределат преостантите вакцини против Ковид-19 со кои земјата располага, место да се остават половина за втората доза, во обид да се вакцинираат што повеќе луѓе.
Министерот Алек Азар за телевизијата Еј-Би-Си изјави дека производството на вакцини на „Фајзер“ и „Модерна“ сега е „сосема предвидливо“ и дека сите дози можат да се распределат одеднаш, пресметувајќи дека лабораториите навремено ќе ги обезбедат потребните количества за втората доза.
Вакцините на „Фајзер“ и „Модерна“, што се одобрени во САД, се даваат во две дози, во распон од три до четири недели.
Со промена на одлуката да се задржи половина од залихите, властите се надеваат дека ќе го зголемат бројот на луѓе кои можат брзо да ја примат вакцината, наведува Еј-Би-Си.
Новоизбраниот претседател Џо Бајден пред неколку дена кажа дека и неговата администрација, која ќе ја преземе власта за седум дена, исто така, ќе заземе таков пристап.
Темпото на вакцинирање е забрзано во последните неколку недели, бидејќи досега околу девет милиони луѓе ја примиле својата прва доза, наведува ЦДЦ. Но, експертите наведуваат дека темпото треба уште повеќе да се забрза и дека на државните и локалните надлежни институции им се потребни повеќе ресурси и поддршка.
Од 25 милиони дози распределени низ сојузните држави, Американците досега примиле само 8,9 милиони дози од вакцините.
Ново на Сител
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка