Свет
9. May 2019 - 20:34

САД запленија севернокорејски товарен брод

Администрацијата на американскиот претседател Доналд Трамп соопшти дека запленила севернокорејски товарен брод за кој американските власти велат дека е користен за транспорт на јаглен во спротивност со меѓународните санкции.

Истиот брод Индонезија го задржа минатиот месец со дваесетина членови на екипаж.

Ова се случува во екот на тензиите меѓу САД и Северна Кореја, неколку часа откако Северна Кореја истрела две сомнителни ракети со краток дострел што беше второ лансирање оружје за пет дена.