Самитот ЕУ-Турција за мигрантската криза ќе се одржи на 7 март во Брисел

Средбата на високо ниво меѓу Европската унија и Турција, посветена на мигрантската криза, ќе се одржи на 7 март во Брисел, информира денеска неименуван европски извор.

Како што наведуваат француските медиуми тој прецизирал дека средбата ќе одржи под формата на работен ручек.

Претседателот на Европскиот совет, Доналд Туск, минатата недела соопшти дека на почетокот на март ќе биде свикана средба на високо ниво со Турција. Тој притоа ја подвлече важноста на заедничките активности со Турција за надминување на најтешката мигрантска криза во историјата на ЕУ, потсетуваат француските медиуми.