СДСМ бара да запре изградбата на панорамското тркало
СДСМ денеска побара да запре изградбата на панорамското тркало и средствата за него да се пренаменат за гасификацијата или за изградба на подземна сообраќајница.
Координаторот на Советничката група на СДСМ во Советот на Град Скопје и потпретседател на СДСМ, Дамјан Манчевски изјави дека најголем дел од финансиските средства за панорамското тркало се обезбедуваат од централниот Буџет во кој со ребалансот се кратат средства од здравството, земјоделството и железничката инфраструктура.
- Прашањето за панорамското тркало е нужно поврзано со прашањето за централниот буџет. Централниот буџет, буџетот на Владата, во моментот е актуелна тема во Собранието и од тој ребаланс денеска разбираме дека средствата финансиски наменети за буџетот за Министерството за здравство се намалуваат за 9,4 милиони евра. За Агенцијата за финансиска поддршка на земјоделието и рурален развој се намалуваат за 15 милиони евра. Се намалуваат и трошоците за железничката инфрасруктура за над 21 милиони евра и многу други примери, рече Манчевски.
Тој додаде дека на денешната седница на Советот на Град Скопје ќе побараат одговори од надлежните институции до каде се градежните работи за панорамското тркало, колку досега чини неговата изградба и од каде се обезбедени финансиските средства.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово