Македонија
15. May 2020 - 18:19

СДСМ: Законот за заштита од дискриминација е клучен за човековите права

Законот за заштита од дискриминација е клучен за човековите права, неговото гласање ќе биде прва задача на новото парламентарно мнозинство на СДСМ.

СДСМ изразува сериозна загриженост за укинувањето на Законот заспречување и заштита од дискриминација, кој е неопходен за заштитата на човековите права во Македонија.

Законот беше подготвен во соработка со невладиниот сектор и беше ветер во грб за забрзување на евроинтеграцискиот процес на нашата држава. Со него, се овозможи професионална Комисија за спречување и заштита од дискриминација, со проширени надлежности во делот на превенцијата, ослободена од политички и партиски влијанија, а за прв пат како основи за дискриминација се воведoа родовиот идентитет и сексуалната ориентација.

Затоа, веднаш после изборите, прва задача на новото парламентарно мнозинство предводено од СДСМ, ќе биде затворање на ова прашање, преку носење на нов Закон кој ќе штити од секаков облик на дискриминација, низ процедура која ќе биде целосно уставна и неоспорлива.