Се продава „Бентли“, сочуван, кралицата го возела
Во салонот за автомобили „Брамли мотор кар“, близу Гилдфорд се продава зелен „Барнато Бентли Мулсан“. Одлично сочуван, со мината мала километража, а претходната сопственичка била – кралицата на Велика Британија, Елизабета Втора.
Фактот дека кралица го возела ова „Бентли“, значи и поголема цена. Слични автомобили што ги користела Елизабета Втора, се нудат и за над 80.000 фунти, а овој би можел да достигне и 200.000 фунти. Луксузниот автомобил е повлечен од возниот парк на кралицата во 2015 година, а од 2013. минал нешто повеќе од 4.000 километри, пишува „Дејли мејл“.
Директорот за маркетинг во салонот „Брамли“, Џек Морган-Џонс, изјави дека тие „имаат среќа што досега имале на продажба неколку кралски автомобили“. – Минатата година продадовме „Рејнџ ровер“, оној во којшто принцот Филип го возеше американскиот претседател Барак Обама за време на неговата посета на Велика Британија, вели тој.
Автомобилот кој се продава е долг 5,5 метри, што е за еден метар повеќе од стандардниот „Бентли“ од овој тип и никогаш немал регистарска табличка. „Бентлито“ на кралицата е единствено, но во основа не се разликува од другите слични нему, освен што било управувано од Нејзиното кралско височество.
Кралицата, наводно, поседува три „Ролс-ројс“, три „Дајмлер“ и две „Бентли“ автомобили како дел од сегашниот возен парк на Бакингемската палата, но има и други возила на нејзините други имоти.
Ново на Сител
-
Тошковски и Бојмацалиев: Граѓаните гласаа за избор на Претседател на државата, во мирна, безбедна и демократска атмосфера
-
ВМРО-ДПМНЕ: Од обработени 8,21% Силјановска Давкова 66.482, Пендаровски 28.490
-
Ѓорчев: На 15% на ниво на Македонија Силјановска Давкова 43.466, Пендаровски 18.213
-
ЈО: До затворање на избирачките места не е пристигната ниту една пријава за кривично дело поврзано со изборите
-
Три случаи на фотографирање и два случаи на кинење на гласачкото ливче, соопштува МВР
-
Муцунски: Овој ден е почеток на крајот на оваа власт
-
48% од гласачите гласале до 18.30 часот
-
Арбен Таравари: Граѓаните масовно излегуваат, што е добар знак за опозицијата