СЕХА: Историска победа на Еурофарм Р.
Битолскиот клуб Еурофарм Работник го имаше своето деби во регионалната СЕХА лига, откако пречека уште еден „новак“ во натпреварувањето, Спартак Москва и го победи со 34:29 (15:13).
Клубот на Стефче Алушовски беше во предност во текот на целиот меч и успеа да стигне до победата, иако гостите успеаја да дојдат на 2 разлика во средината на второто полувреме.
Десниот бек од Босна и Херцеговина, Невен Стјепановиќ беше најзаслужен за победата со дури 10 постигнати голови, а пет додаде новото засилување Марин Вегар, додека на голот Никола Митрески заврши со 10 одбрани. За Спартак, поранешниот ракометар на Вардар, Александер Деревен уфрли осум гола.
Претходно, убав старт на сезоната имаше украинскиот Мотор Запорожје, откако со 25:24 победија на гости кај Татран Прешов. Во меч кој се играше гол-за-гол, гостите успеаја во драматична завршница да надополнат два гола разлика и да триумфираат со голот на Сорока во последната секунда.
Аиденас Маласинскас, Барис Пухоски, Едуард Кравченко и Игор Сорока имаа четири голови за Мотор, додека за домашните најефикасен беше Лукаш Урбан со 5 постигнати голови. Следен меч за Мотор е против петкратниот шампион Вардар на 7 септември.
СЕХА ЛИГА, 1.КОЛО
Татран Прешов – Мотор Запорожје 24:25 (11:12)
Еурофарм Работник – Спартак Москва 34:29 (15:12)
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица