Секој четврти возрасен Македонец страда од висок притисок
Секој четврти возрасен Македонец страда од висок притисок. Статистиката покажува дека хипертензија имаат помеѓу помеѓу 250 илјади до 300 илјади граѓани. Многумина и незнаат дека притисокот им е висок. Според лекарите бројката е загрижувачка, а ризикот за срцеви и мозочни удари е се поголем.
-Дури 53 проценти од вкупните кардиоваскуларни заболувања се смета дека се причина за вкупната смртност. Хипертензијата е еден од главните фактори кои придонесуваат за тоа. Голем е и бројот кај луѓето кои вооопшто не измериле крвен притисок, истакна д-р Билјана Герасимовска-Китановска, Асоцијацијата за хипертензија во Македонија.
Лекарите советуваат за редовни контроли, а здравите и млади лица барем еднаш годишно да го проверуваат притисокот.
-Почесто постарата популација доаѓа за проверка на крвниот притисок, но во последно време не е ретко и кај помладите луѓе да се детектира покачен крвен притисок. При контролите, доминира случајното откривање на покачен крвен притисок при доаѓањето во амбулантата поради друга симптоматија, изјави д-р Нада Аницин од Здружението на лекари по општа-семејна медицина.
-При контролите на крвниот притисок кај граѓаните доколку се увиди дека имаат покачен притисок се препорачува додатна консултација за да се следи и понатаму пациентот поради превенција од кардиоваскуларно заболувањ, д-р Магдалена Отљанска, кардиолог.
Со бесплатно мерење на крвниот пристисок и со делење совети од лекари, денеска во Центарот на Скопје беа одбележани светските денови за хипертензија и семејна медицина.
-
Александар Динев
Сите содржини од овој новинар