Фудбал
29. February 2016 - 14:41

Серија А: Кој ќе му даде гол на Буфон

Голманот на Јувентус, Џанлуиџи Буфон, го собори личниот рекорд според бројот на минути без примен гол, соопшти актуелниот италијански шампион.
 
По победата во дербито со Интер (2:0), Буфон во Серија А не примил гол 746 минути, што е за една минута подолго од неговиот претходен рекорд.
 
Искусниот 38-годишен италијански репрезентативец последниот гол го примил пред осум натпревари, на 10.јануари, односно на мечот со Сампдорија кога бил совладан од Касано во 64.минута.
 
Буфон ќе се обиде да го собори апсолутниот рекорд во Серија А кој е во сопственост на некогашниот голман на Милан, Себастијано Роси. Во сезоната 1993/1994 година Роси не бил совладан 928 минути. 
 
Јувентус, во наредните три кола гостува кај Аталанта, потоа ќе му биде домаќин на Сасуоло, а на 20.март го очекува градското дерби со Торино.