Македонија
28. September 2021 - 19:32

Шекеринска: Заштитени сме од НАТО ако настане конфликт меѓу Косово и Србија

Одговарајќи на новинарско прашање доколку некој ја праша што сме добиле со влезот во НАТО, министерката за одбрана, Радмила Шекеринска рече дека Македонија е заштитена од НАТО доколку настане конфликт на српско-косовксата граница.

- Првото можеби ќе биде нешто што е актуелно, првата придобивка од НАТО е што кога граѓанинот ќе вклучи телевизор и ќе слушне што се случува на границата помеѓу Србија и Косово, нема првата мисла да му биде дали ова ќе се прелее и кај нас. Членството во НАТО значи дека тие прашања сме ги апсолвирале и дека тој тип на безбедност е загарантиран, рече Шекеринска во своето гостување во Тема на денот во Дневникот на Сител.