Шилегов: Бутел најбрзо се развиваше во изминативе четири години
Бутел денес е една од општините со најмногу важни капитални проекти и затоа најбрзо се развива. Во Бутел изминатиот мандат вложивме многу, истакна актуелниот и кандидат за градоначалник на Скопје Петре Шилегов кој денеска оствари повеќе средби со жителите на оваа скопска општина.
Во разговор со бутелчани Шилегов потенцираше дека Бутел е општина со најбрз развој во изминатите четири години.
– Со изградбата на булеварот Христијан Тодоровски Карпош обезбедивме побрз излез на скопската обиколница преку модерно булеварско решение со тротоари, вело-патеки, лед осветлување, средишно и странично зеленило. Исто и некогашната улица Босна и Херцеговина сега е булевар со велосипедски и пешачки патеки, ново зеленило и ново осветлување. Ги реконструиравме улиците Александар Урдаревски, Лазо Трповски и Боца Иванова, а при крај е и улицата Бутелска, додаде Шилегов.
Како што кажа, во план е пробивање на булеварот „Хрватска“ и продолжување на булеварот „Словенија“ до Ѓорче Петров, и со тоа, вели, северниот магистрален прстен конечно ќе стане целина.
– Со тоа се остварува долгогодишниот сон за поврзување на Бутел и Автокоманда со булеварско решение од булеварот „Босна и Херцеговина“ и „Христијан Тодоровски – Карпош“ до „Естекада“. Новиот булевар оди заедно со нови линии на јавниот превоз, нови велосипедски и пешачки патеки, најави Шилегов.
Шилегов истакна дека изградбата на паркови, културни објекти и јавни содржини кои обединуваат луѓе не смее да запре и ги повика граѓаните да излезат на изборите и да гласаат.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари